GABAY AT PREDIKSIYON SA TAONG 2014:

Bagong taon. Bagong buhay. Bagong Pag-asa. Bagong lungkot at ligaya. Tayo ay nasa ikatlong pahina na ngayon ng taong 2014, Biyernes. Enero tres. Ano na ba an gating nasulat sa unang dalawang pahina at ano pa kaya ang ating masusulat?

Kaya’t bago pa man din tayo makapamansila ng kapwa o tuluyang madiskaril ang sariling buhay dahil sa ating mga pagaskol-gaskol at kulpot na mga desisyon at gawain ngayong taon, narito ang ilan sa aming mga lihim na karunungang ibabahagi sa inyo na talaga namang magpapagaan sa pagharap mo sa pang araw-araw na buhay upang sa gayon maging maswerte at masagana ang iyong pagsalubong ngayong taon..

Hindi pa naman siguro huli ang lahat para rito ‘di ba? Ugaliin lamang na isapuso ang nakagawian na naming tagubilin na kung ano man ang matutuklasan o malalaman mo rito ay ‘wag na ‘wag mong gagamitin sa anu mang uri ng kasamaan o pagmamalabis. Tandaan din na ito ay gabay lamang, may freewill tayo gamitin ito nang sa gayon mamuhay tayo ng payak, mapayapa at may pagkakaunawaan.... 

1. ‘Wag na ‘Wag kang gagawa ni magtangka man lang na gumawa ng New Year’s Resolutions mo. Bad vibes ‘to, madi-disappoint ka lang sa sarili mo at sa huli magsa-sour graping na bawi ka next year. Baka bumaba pa ang self-esteem so ‘wag na lang.

2. Kung nagbabalak naman magnegosyo, Year of the Horse ngayon, patok ang negosyong alak at yosi lalu na yung parehong may kabayo sa logo. Dahil ito sa tax na ipapataw ng Gobyerno, kaya’t asahan na bloom ngayong taon ang Takatak Boys industry.

3. Iwasang maglagay ng electric fan sa kitchen o harap ng gas stove. Malas ito, magtatalo ang element ng air at fire. Gutom ang hatid nito sa pamilya, hindi kayo makakaluto.

4. Malas din ang pagsusuot ng shades at sombrero sa loob ng mall, lalu na kung may bitbit kang martilyo. Iwasan ito, kundi tiyak piitan ang hantungan mo.

5. Pagpasok ng Pebrero bubwenasin ang mga nagtitinda ng tikoy at ng mga dekorasyon o koloreteng pam-feng Shui.

6. Samantala suswertehin naman ngayong taon si Napoles at iba pang sangkot dito, makakalimutan na ng mga Pinoy ang tungkol sa PDAF scandal. Sabi nga past is past, 2014 na let’s move on.

7. Lalu namang mababaon sa utang ang ating bansa dahil sa gagawing pagutang ng Gobyerno sa ibang bansa para sa rehabilitasyon ng mga nasalanta habang tuluyang mawawala at mababaon sa limot ang bilyong-bilyong donasyon sa atin dala ng super typhoon na si Yolanda. Past is past let’s move on, masaya naman marami tayong nakuhang mga medalya at award sa iba’t-ibang patimpalak.

8. Mahuhulaan na naman ng magigiting nating mga manghuhula na may darating na bagyo ngayong taon at babahain ang Metro-Manila.

9. Natitiyak naman namin na balik eskwela ang mga bata sa January 6 at magsisimula ang Class 2014 sa Hunyo then magtatapos next year 2015 buwan ng Marso, maiba lang.

10. May maninira sa ilang mga national roads sa Kamaynilaan subalit ‘wag mangamba kukumpunihin naman nila uli ito, ibayong pasensya at kooperasyon lang ang kailangan sapagkat matinding trapik ang hatid nito sa sambayanang Pilipino.

11. Maglalabas ng mas makintab at kakaibang kulay ng iPhone ang Apple at tatawagin itong iPhone 5c+

12. Malulungkot ‘yung mga kabibili lang ng iPhone 5c nung Christmas dahil rito.

13. Sa mga kababayan nating may katabaan na nais nang magpapayat at maging healthy, bawas-bawasan ang pagtambay sa kusina o ‘yung mga lugar na amoy mantika. Malas din para sa inyo ang mga pork, hipon, at alamang.

14.  Upang maging positive vibes buong taon iwasan ang negative vibes.

15. Iwasang mag-selfie sa crowded places tulad ng parke, mall, bar etc. bad vibes ‘yun, mawawala ang purity ng selfieness mo.

16. Boom ang negosyong kabayong pigurin ngayong tayon.

17. Kung wala namang pambili ng pampaswerteng kabayong pigurin, pwede naman hong mag-drawing na lang ng kabayo. Ang importante ay maipwesto ito sa tamang lugar na ayon sa Feng Shui. Ipwesto ito sa lugar kung saan hindi makikita ni matatanaw o aninag ng kapitbahay mo or isang tipikal na kakilala upang nang sa gayon makaiwas sa sama ng loob.

18.  Iwasang manood ng teleserye habang nagsasaing lalu na kung hindi rice cooker ang gamit. Malas ito, buong taon kayo matututungan hanggat ‘di natatapos ang istorya ng teleseryeng ‘yun.

19. ‘Wag sasakay sa MRT o LRT sa umaga kapag nalimutan mag-tawas, mamalasin ang katabi mo, respeto sa kapwa ang kaylangan para good vibes buong araw.

20. Bababa ng 25 cents ang presyo ng gasolina ngayong taon, mga bandang first quarter. Subalit tataas ito ng 1.50 bago matapos ang taon.

Muli gabay lamang ang mga ito, nasa atin pa din talaga ang desisyon at gawa. Sundin ito ng buong ligalig na may halong pagnanasa at tyak matatamasa ang hinahanap na ligaya. Happy New Year! J

“From the calm morning, the end will come when of the dancing horse the number of circles will be nine.” ~ Nostradamus

Holiday Reflection (based on true events):

"The White Shoes Mystery"

May nakasabay kameng dalawang lalaki magkaibigan sa FX kahapon, parehong mukhang bachelor at galing work. Aburido ang isa,naglalabas ng inis at yamot sa kanyang kasama. May kalakasan ang boses nila kaya rinig tyak ng lahat.

Namumroblema 'yung isa dahil hanggang ngayon hindi pa din sya nakakabili ng white shoes, wala daw syang mahanap, sa Nike naman daw kasi puro Jordan ang labas.

Bigla kameng natauhan sa aming narinig, mas malaki pa pala ang dinadalang problema ng lalaki n 'yon kumpara sa amin na kung kelan may pera nang pambili saka naman na-out of stock 'yung item...

Naimagine namin kung gano ang pagod, pawis, sakripisyo, ginugol na oras at pagtyatyaga ng lalaki na yun na galugarin lahat ng shopping malls at tianggean para lang sa kanyang natatanging inaasam na "white shoes" pero bigo sya. Hanggang ngayon wala pa din syang mahanap...

Naisip din namin na nakakalungkot ang magiging lagay nya pag di talaga sya nakabili ng white shoes dahil pihadong maiiwan sya sa bahay at di makakasama sa pamilya para magsimba sa araw ng kapaskuhan sapagkat wala syang white shoes na pang simba...

Kaya napakapalad ng mga taong trip ang white shoes ngayon at nakabili ng ganun.

 Moral Lessons:

 1.Mahirap at di biro maghanap ng white shoes.

2.Hindi lahat ng mahilig sa basketball at rubber shoes type ang Nike Air Jordan model.

3.Hinaan ang boses pagnagkukwentuhan sa mga pampublikong sasakyan dahil di mo alam may mga tsismoso ka palang katabi na nakikinig para may mai-post sa blog nila gaya nito.

INUMAN MYTHS, TRADITIONS, and SUPERSTITIONS:

“Nagsimula sa patikim-tikim pinilit kong gustuhin, bisyo’y nagsimulang lumalim kaya ngayon ang hirap tanggalin” ~ The Teeth

Tayo’y nasa ikalawang lingo na ng October Fest at marahil marami-rami na ang umuwing basag, lugmok sa antok, nanggigitata sa sariling suka at suka ng kaibigan o nanlilimahid sa amoy ng yosi, tilamsik ng pulutan, at espiritu ng 2^nd most consumed beverage in the world next to tea – ang Beer.

Mahilig tumoma ang Pinoy, basag kung basag, ubusan ng lahi hanggang wala nang maibentang serbesa si Aling Nena. At sa mahaba-habang inuman din na ‘yun maraming nabubuong matibay na samahan, mga kwento, aminan, ligawan, at bata.

Kaya naman naisipan naming balangkasin ang ilan sa mga mitolohiya, tradisyon, at pamahiin na pumapaimbulog sa loob ng inuman na aming nakalap sa ilang kaibigang nakakwentuhan at nakainuman na.

1. Nangunguna sa listahan, “Unang Tagay Para sa Demonyo”. Syempre san ba maguumpisa ang inuman kundi sa unang tagay, pero hindi para sayo ‘to pare ko kundi para sa katropa nating demonyo. Tradisyon na ‘to dre, pagbukas ng bote, sasalok sa tansan at itatapon, tagay daw ng demonyo. May malalim at katutubong pinagugatan ‘to sa pagkakaalam namin, hindi lang namin maalala ‘yung eksaktong kwento (sori senglot siguro kame nung napanood o naikwento ‘yun). Subalit ang paliwanag dyan ng aming tropa e para daw maging masaya ang inuman, walang magwala at mag-ala-Rambo sa kalagitnaan ng tomahan.

Kumbaga paghingi ng bless sa demonyo, logical naman e lalu na kung naniniwala ka sa devil at sinasabi nga na gawa ng demonyo ang alak. Respeto ba sa pagbibigay niya ng ganitong uri ng kasiyahan at kasarapan. Cheers!

At bakit may nagwawala kung hindi natagayan ang devil kanyo? Simple, nainggit ang devil sumanib sa kainuman mong malakas mamulutan.

2. Ikalawa, “Reserbang Alak Dapat Nakatayo”, sobrang forbidden nyan pards. ‘Wag na ‘wag mong itutumba ang mga nakareserbang alak dahil mabilis daw itong makalasing, hindi mageenjoy ang tropa ‘di ba kung ilang ikot pa lang e senglot na. Kaya ‘wag na ‘wag mo itutumba ang mga nakareserbang alak kung gusto mong makarami kayo, parang sinaway mo ang Saligang Batas ng Pilipinas kapag nilabag mo ‘yan parekoy.

Ni mga dalubhasa’t mga siyentipiko hindi maipaliwanag ang kababalaghan kung bakit napakabilis makalasing ng reserbang alak na itinayong pabaligtad. Subalit may religious friend naman kami ang nagmungkahi ukol rito na marahil kaya daw gayon ay dahil mockery ito ng upside down cross.

3. Pangatlo, “Upos ng Yosi sa Beer”. Secret teknik ito ng mga kainuman mong may masamang balak at pagnanasa sayo. Kapag nilagyan daw kasi ng upos ng yosi ang iniinom mong alak tyak tulog ka at halos walang malay para mong nakainuman ang Ativan Gang. Lalu kung babae ka magigising ka na lang sa isang kwarto na walang bintana, nakatapis ng kumot o tuwalya, may salamin sa kisame at malilit na toothbrush, toothpaste, at sabon sa CR.

Ayon sa mga kwento marami nang nabiktima ang ganitong klaseng istilo, kaya sa mga kababaihan natin diyan, ingat sa mga kainuman.

4. Ang ika-apat, “Huwag Tatanggi sa Tagay ng Nadaanang Inuman”. Nakow para kang nagtampo sa bigas kapag sinuway mo ‘yan, ‘wag na ‘wag kang tatanggi pag inalok ka ng kapitbahay mong shumat kahit isa lang kung ayaw mong samain ka, maliban na lang kung ikaw si Chuck Perez, Charlie Davao o Monsour del Rosario sa karatehan o mala Robin Padilla ka sa pagpatay ng yosi sa palad. 

5. Ika-lima sa listahan ang urban legend ng “Happy Horse” sa Redhorse Beer bottle. Ayon sa paniniwala ng mga lasenggo’t lasyengga, sa isang case daw ng biniling Redhorse ay may isang bote doon na kakaiba ang logo ng brand, para bang naka-smile ang kabayo kumpara sa ibang bote, hence – Happy Horse. Ang cool dito e kung ikaw daw ang nakadampot ng boteng ‘yun ay napakapalad mo sapagkat sayo napunta ang pinakamasarap, malakas, matapang na beer sa isang case na ‘yun. Kakaiba daw talaga ang sipa nun at may hatid na ibayong ligaya, hence – Happy Horse.

Ayaw sana naming basagin ang ganitong trip sa inuman sapagkat exciting naman at masaya subalit sabi nga “In vino veritas” – in wine there is truth, andun ang irony kaya marapat na din naming isulat ang katotohanan patungkol diyan dito.

Ayon sa isa naming friend na hindi na namin papangalanan upang maprotektahan ang kanyang katauhan at pamilya dahil baka balikan siya ng kumpanya ng alak sa pagsiwalat ng kagimbal-gimbal na katotohanang ito. Ayon sa kanya isa lamang daw itong myth, hindi totoo na iba ang timpla ng sinasabing Happy Horse na ‘yun dahil same brewing process lang ang ginagawa nila. Sa packaging lang daw talaga nagkaiba.

Old packaging daw ‘di umano ang pinaniniwalaan ng karamihan na Happy Horse, medyo may binago daw sa logo ng Redhorse taong 1992, naihahalo pa din ang lumang Happy Horse packaging dahil 20 years ang life span ng bote bago tuluyang i-discard.

Sinakyan ng RH ang myth at urban legend na ito for marketing purposes, katunayan nagpa-contest pa sila kung sinong makakagawa ng magandang backup story about sa Happy Horse noon.

E pano ‘yung mga nakadampot ng happy horse at nagsabing iba ang lasa nun? Matatanto natin dito kung gano kalawak ang ating isip at imahinasyon natin, mind over matter, placebo effect. Sori sa mga Happy Horse believer, kunwari na lang hindi nyo nabasa ‘to… Mind over writer.

6. Pang-anim, ang deadly song na “My Way”, stranger than fiction subalit napakarami na talagang winasak na pangarap, buhay, at sinirang pamilya ang nakamamatay na kantang ito. Generic ‘yan tol ‘wag mo na kantahin kung ayaw mong samain. Daig nito ang suicide song na Gloomy Sunday by Rezso Seress at ang pagbabawal ng guard sa Vhal &Vhon amusement center noon sa Northmall Caloocan na “Bawal Nang Kantahin ang Gangsta’s Paradise”.

Pero kung hindi ka talaga maawat ng mga kainuman mo sa pagkanta, Skyline Pigeon o Boulevard na lang ang tirahin mo para safe. At kung nangangati talaga ang diaphragm mo sa pagbirit na feeling mo same kayo ng  esophagus at tonsil ni Ms. Asia's Songbird, My Love Will See You Through by Marco Sison na lang ang kanain mo. Mas ligtas ka rito.

7. Ika-pito ang “Last Tagay Nakakalasing”, self-explanatory ‘yan chong. Ikaw ang last ikaw ang nakalamang sa inuman, ikaw ang mas lasing.

8. Ang pang huli sa listahan ay ang imortal na “Pagsumpa na Hindi na Iinom Tuwing May Matinding Hangover”. Isa itong napakalaking myth o kathang isip pre. Again self-explanatory dre, promises are made to be broken. Dahil ilan na ba ang sumumpa ng ganito at nilabag din ang sariling pangako nang mag aya si Ambet tumoma doon kila Dodo? ‘Yung iba pa nga sinusulat pa sa kanilang diary ang sumpang ito para hindi talaga malabag subalit mahirap talaga hindian si Ambet.

Ayan, sumainyo ang ilan sa mga inuman myths, traditions, and superstions. Marami pa ‘yan at marami pang maiimbentong kwento sa loob ng inuman pero ‘yan muna kaya alak pa!

WANBU NG BOGCHI

Facts –

1.Agosto ay buwan ng ating wikang pambansa.
2. Iba’t-iba ang dialect sa ating bansa.
3. Marami nang nausong wika sa ating bansa mula pa nung panahon ng mga “hippie” (sa pagkakaalam namin) hanggang sa panahon ngayon ng Facebook at androids.
4. Maski sila Gat. Andres Bonifacio at mga magigiting na Katipunero ay may sariling lenggwahe.
5. May sarili din silang alpabeto.

Kaya naman biglang sumagi sa puyat na isipan namin ang isa sa hit single ng bandang Eraserheads ang “Bogchi Hokbu”, bakit kanyo? Sapagkat bukod sa theme song ito ng Chippy commercial noon, maganda ang groove ng music nito at higit sa lahat ito ang kanta ng Eheads na kakaiba ang language o lyrics, pabaligtad. Tulad ng “Nosi Balasi” ni Sampaguita subalit mas hardcore ang Bogchi Hokbu dahil buong liriko nito in-reverse.

Nauso ang ganitong pananalita (sa pagkakaalam ule namin) noong dekada sitenta kung saan laganap ang mga hippies. Halimbawa imbes na Pare sabihin mo Repa o Erap, minsan dinadagdagan ng ibang shorten word magiging Repapips (Pips = People). Kotse ay Tsikot, Tigas ay Astig. Pwede mo din dagdagan ng S sa dulo para mas masarap bigkasin pampadulas ba kumbaga kagaya ng Hindi = Dehins, Malabo = Bomalabs.

Sa pagsusulat ng pabaligtad tanging si Leonardo Da Vinci lamang ang naitalang nakakagawa nito fluently, ewan lang sa ngayon anrami na kayang smart energy drink at mga gatas na IQ booster.

Bakit nila ginagawa ‘yun at para saan? Sila lang nakakaalam. Marahil bogsa sila o nasa altered-state of consciousness sila katulad ni Alice in Wonderland kaya in-reverse sila kung magsalita o jumbled ang mga words na nabibigkas. May mga nagsasabi din naman na kasi kaisa nila ang devil dahil pabaligtad din raw ang dialect nito.

Ops teka lang, kung kinutuban ka na tungkol sa backmasking ito at biglang nadismaya ay dehins na tenants kaylangan gawin ‘yun repa. Dahil kung totoong may subliminal o hidden message ang Bogchi Hokbu kapag pinatugtog ng pabaligtad ay narinig o naintindihan na iyon ng subconscious mind mo sa unanag pakinig pa lang in-normal play. Kaya 'wag maalarma...

Bogchi Hokbu lyrics –

Wanga tenants ng reksli
Toing takans na toyi
Napha oyats ng nengmi

Nananakirima
Bangbangbangalalala
Tastastasbobona

Bogchi Hokbu

Tokpu yota ng bolo
Bays otsu ng emsdi
Lambig sokpa si Sarsi

Ninhalalaama
Wawawahaginma
Ningningningmamani

Bogchi Hokbu

Sa unang pakinig iisipin mo ano kayang dialect ang ginamit nila rito, foreign? Native? O Alien language? Kung extreme pa ang pagka-paranoid mo at wala ka magawa sa dis-oras ng gabi katulad namin paghihinalaan mo na isa itong secret code o clue na magli-link sa kanta nilang “Spolarium” (same album with Bogchi Hokbu – Sticker Happy) na pinaghihinalaang patungkol di-umano sa yumaong aktres na si Pepsi Paloma na shrouded of controversies ang pagkamatay. Maghihinala ka din na maso-solve ang enigmatic lyrics na ito gamit ang “Ang Na Ang Na” syllabic pattern na nauso din nung time ng mga hippies.

Bakit si Pepsi? Nabanggit kasi si Sarsi (Sarsi Emmanuel) sa lyrics na ka-batch ni Pepsi Paloma at isa din sa tinaguriang Softdrinks Beauties noon kasama si Coca Nicholas. Tapos may line pa na “Hanap tayo ng meaning” na para bagang naguudyok sa mga listeners to dig more deeper.

Pero ano nga ba ang sinasabi ng Bogchi Hokbu kapag inareglo ang lyrics? Eto sya –

Gawan natin ng lyrics
Itong kanta na ito
Hanap tayo ng meaning

Marikina
Alabang
Navotas

Chibog Buhok

Putok tayo ng lobo
Sabay suot ng DM’s
Biglang pasok si Cesar

Maalalahanin
Maginhawa
Maningning

Anong ibig sabihin kanyo? WALA. NOTHING. BUTA. Sa wikang hippie ALAWS. Kinukulit lang tayo ng Eheads at masyado lang din talaga silang malikhain. Maaari din na gusto lang nilang maiba, experiment ganyan kung maghi-hits pa din ang song kahit ganun ang lyrics.

Subalit para samin "sarcasm song" ‘to ng Eheads para sa mga nagsasabi na kapanalig nila si Satanas, may nakatagong maka-dyablong mensahe sa kanilang mga kanta, o binenta nila ang kanilang kaluluwa sa devil para sumikat. Birit nga ni Tina Arena sa kantang Burn, “Be anyone you want to be, bring to life your fantasies, But I Want Something In Return. I Want You To Burn, Burn For ME Baby”. Yeah as in burn in hell beh.

Umugong din talaga kasi nung mid-90’s na may hidden messages nga daw sa mga song ng heads in backmasking. Ewan, sinubukan ko gibberish lang narinig ko siguro depende sa listener talaga. Minsan kasi tayo na lang nagbibigay ng meaning sa mga bagay-bagay kahit wala naman lalu na kung naghahagilap talaga tayo ng patterns. Ito ang human brain phenomenon na kung tawagin ay “Pareidolia”.

But to make things clear, dehins lahat ng backmasking repapips ay diabolical ang hidden message. Perfect example dito ang song ng bandang TOOL na “Intension”. Sa intro nito ay makakarinig ng gibberish whispers at aakalain mong dinadasalan ka nila na tumalon sa LRT o umakyat ng billboard at magpa-media. Pero hindi. Dahil kapag ito ay binakmas na very positive pala ang mensahe.

“Listen to your mother. Your father is right. Work hard. Stay in school. Listen to your mother. Your father is right. Listen to your mother. Your father is right.”

Sa Bogchi Hokbu na Chibog (means kain) Buhok o Kain Buhok ang literal na ibig sabihin, may mga nag-interpret na about ito sa Cunnilingus = Chibog Buhok. Pwede. Siguro dahil nakita din nila ‘yung line na “Putok tayo ng lobo” as reference to condom kaya nabahirannila ng malisya. Sabi nga sa kantang Balong Malalim -

"Gusto n'yang mag-swimming sa balong malalim...Gusto pang kumain, kumain nang kumain. Hindi naman nabubusog sa kanyang kinain...Sige pa nang sige, kahit na dumudumi ang isipan ng tao dito sa mundong ito. O wala na bang remedyo ang ating mga ULO?" ~ Juan Dela Cruz band

Matagal nang buwag ang Eraserheads subalit mananatili ang kanilang mga iconic songs lalu na sa mga nagkamalay nung dekada nubenta. Walang lihitimong may alam kung talaga bang isa silang PUNKS (People Under New Kingdom of Satan) o isa silang KISS (Knights In Satan’s Service); mga pauso ‘yan nung 80’s naman. Ang tanging sure lang ay isa sila sa most influential bands dito sa Pinas.

Nasa sayo na kung maniniwala ka sa backmasking o hindi. Marubdob nga na tagubilin nila Madam Zenaida at Madam Rosa, “May freewill tayo, gamitin natin ito”.

Ang nakakaloka pumasok sa aming isipan ang kantang Bogchi Hokbu ngayong Agosto which is also The Ghost Month or Hungry Ghost Festival ayon sa Chinese tradition na kung saan open daw ang Gate of Spirit World kaya payo nila magingat sa mga “hungry ghost” na gumagala. Hungry = Gutom, pag gutom kakain. Chibog = Bogchi. Naloko na! Coincidence? I report you decide... Awooooooooooooo!

QR Code: Gen Thalz

Glitch Art: Logo(s)

                                     "Walking Through a New Strange Familiar Path..."

Everything is Sound (bmp version)

          *bmp's realization of our experimental sound art (same title, see the video to hear it)

BRA AND PANTY VS. TWO PIECE BIKINI

Nairaos kamakailan lang ang FHM 100 Sexiest Women in the Philippines 2013 at talaga namang umulan ng mga naggagandahan at nagsesexihang katawan! Sana next time gawin nilang 1000 sexiest women para solid one to sawa talaga…

Subalit ang ikinakabagabag namin ay kung bakit may mga kababaihan na ayaw masilipan ng bra o panty pero kung makapagsuot ng two piece bikini sa beach, kita pa minsan ang kuyukot at singit e proud na pround, magpapa-picture tapos ipo-post pa sa mga social network sites para mas maraming makakita at para ito ay komentan o i-like, bakit? Dahil ba akma naman sa beach ang bikini kaya ok lang? Pero public places din naman ang mga beach maliban kung nasa private pool ngunit ganun pa din kasi ipo-post din sa internet ang mga pictures. Ah kasi yung bra and panty pang bahay lang talaga at pamproteksyon o support sa private part kaya hindi pwede ipakita sa madla o sa lansangan? Ngunit maski garter man lang kasi nito ayaw nila pakita talagang tatakpan, siguro nahihiya, longga na kasi…

Wirdo nga e, kapag nabosohan ng panty ang isang artistang babae halimbawa o tipong nagpe-perform sya at biglang tumaas ang palda kita panty instant controversy ‘yun na para bang nakakahiya o nakakatawa. Kasi nga nasilipan sya ng panty which is hindi dapat? Pero ‘yung same girl na ‘yun ay nagsusuot din naman ng two piece bikini sa mga movie, tv, and magz. Anong pinagkaiba nun? May bayad kasi ‘yung pagsuot nya nun? ‘Yung tela ba? O isa lamang itong social upbringing at media programming?

Ganun din kasi kahit sa mga ordinaryong kababaihan tulad nito, “Tang ina pare nakasabay ko kanina sa jeep ‘yung classmate natin si ano _____________ nakabukaka sa harap ko kita panty kulay maroon!” na para bang nasilayan na niya ang buong kalangitan kung makapagkwento sa kaklase. Syempre hindi magpapatalo ‘yung kaklase, “Sarap naman! Nakita ko nga picture nya last summer kagabi sa FB, anseksi tol!”. Natural hindi papayag ‘yung nakaboso ng panty ni ano __________ na maungusan sya ng kaklase, siya dapat bida e. “Wala ‘yan chong, ‘yung sakin live e sa harap ko mismo…”.

Marahil mas secretive at mas private kasi ang datingan ng panty kesa bikini kaya mistulang sacrilege o blasphemy ito kapag nasilip ng kung sino. Naitanim na din kasi sa ulirat natin na ang bikini ay pang swimming at ang panty pang akit sa partner. Pero ano pa man suot ng partner mo sa kama huhubarin pa din ‘yan.

E ano kaya kung bra at panty naman ang suot ng mga babae sa beach or pool o mag papic lang ng naka bra at panty kaht sa loob ng kwarto lang ba ganun or pag bagong bili undies nila at i-post din sa internet? Sana may makaisip gawin 'yun maiba lang…

Glitch Art: Digital Spectrum

Orbs

Orbs (deep)

Orbs (deeper)

Decoding (Static i)

Run Time Error (green)

Run Time Error (yellow)

Run Time Error (blue)

The Wall (minimalism)

Our book is now available (Fully Booked Branches)

The Secret Book of the Philippines is now available at the following Fully Booked branches:

Bonifacio Global City
Bldg. 6
902 Bonifacio High Street
Bonifacio Global City
1634 Taguig City

Rockwell
Level R3, Shop 330
The Powerplant Mall
25 Lopez Dr., Rockwell
Center 1211 Makati City
Metro Manila

and

Greenbelt
Ayala Center
Makati City

Generative Ascemic Writing

"Collective Unconscious"

*This is one of the many Ballpen Tester Paper (front and back) from National Bookstore Sm North Edsa, we secretly stole it last 06.09.2013 around 11-12 noon.

Episode 12: “Where You End I Begin”

Tilamsik sa Gabing Maligamgam (an FB broken serye)

~Ang Katapusan~

Ang Nakaraan…  

                                                             

Sa sobrang tagal maaari itong makalimutan at hinding-hindi na kaylan man matandaan. Hindi na nga ba talaga matandaan ang nakaraan o hindi na lang alam kung papano duduktungan?

Pero syempre tulad ng napagkasunduan na huling kabanata, narito na ang katapusan. Katulad din ng lahat ng bagay sa mundo, lahat may hangganan, lahat may wakasan…

Parehong naospital si Rogelio at ang guy na nakabukas ang polo na may sandong fit sa loob. Ang kanilang maaksyong suntukan ay nauwi sa malagim na kapinsalaan subalit mas malala ang lagay ng guy na nakabukas ang polo dala ng pagkakapukpok ng bato ni Genoveva sa kanyang ulo. Halos mag 50-50 ang guy na ‘yun at ma-comatose.

Ilang buwan na syang nakaratay sa banig ng karamdaman habang si Rogelio makalipas ang dalawang linggo ay naka-recover na dahil syempre ‘yon sa mapagmahal na alaga ni Genoveva at palakaibigang asikaso ni Jobert as a friend kahit na may plaster of paris pa syang puno ng vandal ng mga kaibigan, kaklase, kaanak at mga kapitbahay sa kanyang nakomang na braso dala ng pagkakatapak-tapak sa kanya ng mga nagsasayaw habang sya’y nakahandusay sa dance floor.

Isang mahangin at ‘di kainitang araw habang naglalambingan si Rogelio at Genoveva sa may bakuran, nagkakatuwaan sila kasama si Jobert as a friend na komang, pinagkukwentuhan nila ang mga masasayang nagdaan nang biglang isang nakakagulat at malakas na ring ng cellphone ang bumasag sa kaunti nilang kasiyahan. “Riiiiiiiiiiiiiiiiiiiiiiiiiiiiiiiiiiiiiiiiiiiiiiiiiiinnnggg!!!”

“Hello???”, nagtataka at medyo gulat na sagot ni Rogelio habang nakatingin lang sa kanya ang dalawa, nagaabang.

“Yes speaking.”

“Opo kilala ko po. Opo-opo kilala namin.”

“Ha? Ay yes andito po kasama ko sila ngayon. Eh-“

“As in ngayon na?”, pa-hesitate na tugon ni Rogelio sa kausap habang nakakunot na ang noo ni Genoveva at Jobert as a friend na komang na sa kawa-wonder na may halong pagkainip na malaman kung ano kaya ang pinaguusapan at sino ang kausap ni Rogelio sa cellphone.

“San po ulet?”

“Ah yes opo alam po namin ‘yan. Sige po punta kame diyan.. eh-“

“As in ngayon na mismo talaga? Gano daw ba kaimportante?”

“Ah sige-sige po papunta na kame mga after 30mins.”

“Ok. Sige po thank you bye.”

Nakatitig ang dalawa kay Rogelio naghihintay ng makabuluhang impormasyon.

Mga ilang Segundo din muna ang lumipas bago nakapagsalita si Rogelio, huminga muna sya ng malalim ‘yung tipong muntik na siyang hindi maka-exhale sa sobrang lalim.

“Guys need natin pumunta sa ospital.”

“WHAT?!”, oa na sigaw ng dalawa.

“Pinapapunta daw tayo nung guy na nakasuntukan ko sa bar, ano ba name nun?”

“Hindi ko din alam first meet namin dun nun may sasabihin daw sya tapos nung sasabihin pa lang niya name niya bigla ka umeksena kaya ‘yun ‘di na nya nasabi…”, maliwanag na paliwanag ni Genoveva. “Bakit daw ba?”

“May importante daw sasabihin sa atin sabi nung nurse na kausap ko.”, sagot agad ni Rogelio.

“E baka ‘yun ang sasabihin niya sa atin kung anong name niya?”, proud na hirit ni Jobert as a friend na ngayo’y komang na.

“Hindi mukhang seryoso e.”, malumanay na tugon ni Rogelio.

“Guys baka gaya ‘to ng mga napapanood ko sa tv na tipong mamamatay na ‘yung may sakit tas may ibibilin sa atin na misyon o kayamanan, chance na natin ‘to yes!”, proud ule na hirit ni Jobert as friend na komang na.

“Ano pang inaantay natin?”, patanong na kayag naman ni Genoveva.

“Tara.”, nagiisip na sagot naman ni Rogelio.

Hindi na ilalahad dito kung pano sila naglakad papuntang kalsada, pumara ng jeep pero puno lahat kaya napilitan silang mag-taxi na lang papuntang ospital, mabilis ang byahe hindi gaanong trapik. Natural ambagan sa pamasahe P150.00

Pagdating sa kwarto ng guy na nakabukas ang polo, agad silang pinapasok ng nurse na nagbabantay rito.

“Ma…ma…bubu…ti..naka…kaka..ra..ting..kayo.”, nangangatal at hirap-hirap na pagbati sa kanila ng guy na nakabukas ang polo.

“Oo nagmadali nga kame. Kamusta ka na?”, tugon ni Rogelio.

“Hihin…di…na…mahalagagaga…’yon…Ang im…im…por…tatatatan…te…ay mala…mamaman…nyo na hindididi…pwede… maging kakakayo..”, medyo paangil na sabi ng guy na bukas ang polo.

“Hanggang ngayon pa din ba hinahadlangan mo kame? Tama na please… Ang importante gumaling ka at makalabas dito.”, slightly imbyernang sagot agad ni Genoveva.

“Tama sya pare. ‘Wag mo na muna isipin ‘yon, importante lumakas ka…”, segunda ni Rogelio habang si Jobert as a friend abala sa pagdu-doodle sa plaster of paris nya sa braso.

Dinalahit ng ubo ang guy na nakabukas ang polo, hinamas naman agad nila Rogelio ang kanyang umbok na dibdib. Pinipilit nung guy na makapagsalita at mai-deliver ng maayos ang susunod niyang linya.

“Hi-hindi nga pu-pwede maging kayo dahil magkapatid kayo!”, sabay ubo ule na animoy may TB ang guy na may bukas na polo.

Gulat na gulat naman ang tatlo pati na din ang nurse na nakikiusyoso sabay-sabay sila malakas, malagong “WHAAAT!!!”

“Oo tama ang narinig nyo (ubo), magkapatid kayo at kapatid nyo din ako. ‘Yun ang dahilan kung bat ako nandito at yun din ang sasabihin ko sayo sa bar Genoveva. Magkakapatid tayong tatlo…(ubo-ubo-ubo)”, pagpapatuloy ng guy na nakabukas ang polo.

“Papa- She- Hindi ako makapaniwala!”, sigaw ni Genoveva.

“Oh my gad! May nagya- shet o hindi! Bakit hindi mo agad sinabi?!!!”, may halong suklam sa sariling sigaw naman ni Rogelio.

“Ang askad mo kasi bigla ka umeksena nagtatakbo ka pa nung inawat ko kayong maglaplapan.”, paliwanag ng guy na nakabukas ang polo.

“Pare totoo ba ‘yan? Panong nangyari na naging magkakapatid kayo?”, taking tanong na sabat naman ni Jobert as a friend na ngayo’y komang na.

“Nagkahiwa-hiwalay kame nung mga bata pa kame. Dinala sa ampunan at muola doon nagkalayo-layo kame ng landas dahil iba-ibang pamilya ang umampon sa amin… Ilan taon ko kayong hinanap mga kapatid ko salamat na lang sa facebook na-search ko kayo tinaype ko lang name nyo lumabas agad. At tyak naman akong kayo nga ‘yan dahil na din sa sandamakmak nyong photos at pagpost ng lahat ng nangyayari sa inyo. Thank Lord talaga nagkita-kita tayo.”

Isang rebelasyon ang gumimbal sa tambalang GeloGen, papaano na ang mga nangyari sa kanila? Ano ang magiging hitsura ng kanilang anak kung sakali man ngayong magkapatid sila dugo’t laman? Sa tono ng mga tanong na ‘to may mga kasagutan pa kaya ito gayong sinabi na sa unahan na ang episode na ‘to ay ang katapusan na?

Napakarami pang sinasabi subalit ang totoo ay hindi na lang alam kung pano pa tatapusin ang kwentong ‘to. Katulad na lang kaya ng kanta ng Parokya na bigla na lang mawawala o mag-fadeout na lang kagaya ng style ng mga songs nung 80’s na tipong pahina

Nang pahina…

Nang pahina…

Nang pahina…

Nang pahina.

Hanggang sa hindi mo na lang mabasa…

O maaninag man lang.

Ayod ‘di ba?

End.

Best Trilogy Movie

Episode 11: “Catch Me If You Can!”

Tilamsik sa Gabing Maligamgam (an FB broken serye)

Ang Nakaraan…

Maraming nagsasabi na hindi na ito mahalaga sapagakat ang importante ay ang ngayon. Subalit papaano kung dumating ang panahon na wala ka nang maalala? Maski mga kapamilya mo hindi mo na nakikilala at ang masama nito, ultimong sarili mo ay hindi mo na din kilala. Ngayon, sino ka?

Mabibigyan ba ng makabuluhang kahulugan kung sino ka ang tanong na sino ka sa pamamagitan ng iyong mga maaalalang mga nakaraan? Samakatuwid ang nakaraan ay isa lamang palang alaala na walang kasiguraduhan kasi marahil ito ay bunga o gawa-gawa lang ng iyong mapaglarong isipan.

Kaya naman kung darating ang panahon na wala ka nang maalala ay wag mo nang piliting alalahanin pa ang hindi mo na maalala lalung-lalu na kung bakit wala ka nang maalala dahil ang importante nga ay ang ngayon, kung sino ka ngayon? Ikaw na ngayon ang Taong Walang Alaala.

Sa pagpapatuloy…

Biglang lumabas ng bar ang guy na nakapolong bukas at may white sando fit sa loob na kasama ni Genoveva at ito ay nagtatalak.

“Ay putang ina anong ibig sabihin nito? Mga hayup kayo anong ginagawa nyo diyan?!”, hurumintadong pagtatanong ng guy na nakabukas ang polo at may white sando fit sa loob.

“Babae, lalake (habang tinuturo ang isa’t-isa), magkadikit ang mga labi, espadahan ng dila. Wag kang magalala nagkukwentuhan lang kame!”, pilosopong sabat naman ni Rogelio, uso kasi.

“E gago pala ‘to e!”, sabay takbo ng guy na nakabukas ang polo at may sandong fit sa loob papalapit kila Genoveva.

“Takbo!”, karipas na kayag ni Rogelio ke Genoveva habang sila ay magkahawak kamay.

Tulad nang nakagawian sa mga primetime at afternoon teleserye na malapit nang magtapos ay biglang nagkaron ng habulan. Sana lang wag mong mahulaan na maaaring magkaron din dito ng patayan o barilan, mabuti na nga lang wala pang anak-anak ang mga bida dito dahil kung hindi malamang magkaron din ng child switching dito. Siguro sa season 2 na ‘yun.

Tuloy ang habulan kahit madulas ang daan.

“Bumalik kayo rito hindi maaari ‘yang ginagawa nyo!”, sigaw ng guy na nakapolo at may white fit sando sa loob.

“Pabayaan mo na kame, wag mo na kame pakealamanan nakikiusap ako sayo!”, pagsusumamo ni Genoveva habang tumatakbo.

“Tama siya! Bayaan mo na kame tol!”, hingal pagsang ayon ni Rogelio kay Genoveva.

“Hindi! Hindi ‘yan maaari! Hindi ako makakapayag! Andito ko upang hadlangan ang pagmamahalan nyo!”, mariing pagmamatigas ng guy na nakbukas ang polo at may sandong puti sa loob.

Mas binilisan pa nya ang pagtakbo. Halos lumapit na ang distansya nya kila Rogelio na ngayon ay magkahawak pa din ang kamay. Subalit nabitiwan nila ang isa’t-isa nang biglang akmang dadakmain ng guy na nakabukas ang polo at may white sando fit sa loob ang kanilang mga braso.

“Ah! Gelo!”, “Gen-gen!”, sigaw ng dalawa.

Napatakbo sa magkabilang direksyon ang dalawa. Tuluyan na kaya silang magkakahiwalay at hindi na muling magkikita pa? Teka hindi pa tapos ang habulan. Si Rogelio ang sinundan ng guy na nakabukas ang polo at may white sandong fit sa loob.

“Hindi mo ko matatakasan!”, nagmamadaling sigaw ng guy.

Tuloy lang sa pagtakbo si Rogelio. Napakatulin tumakbo ng guy gawa ng mahahaba ang mga biyas nito kaya’t sa isang iglap, mistulang leon ay dinamba nya si Rogelio. Sumubsob ang dalawa sabay nagpagulong-gulong sa damuhang medyo maputik. Naputikan ang white sandong fit ng guy na labis nitong kinagalit.

Walang sabi-sabi nag undayan sila ng sapak, basagan ng mukha. Suntok dito, suntok dun. Tadyak dito, tadyak dun habang sila ay nagpapagulong-gulong.

Medyo argabyado si Rogelio sapagkat hindi hamak na mas malaki ang kaha ng guy na nakabukas ang polo kesa sa kanya. Mas maskulado, may abs, at higit sa lahat naka-brush up.

Hanggang sa dumating ang sandali na nakubabawan si Rogelio ng guy na nakabukas ang polo. Hindi na sya makapalag o makapanlaban man lang. Walang habas na pinagsasapak siya nito.

“Sinabi ko nang hindi pwedeng maging kayo! Hindi pwede! Ang tigas ng ulo mo! ‘Yan ang bagay sayo!”, galit na galit na sabi ng guy habang patuloy sa pagsuntok sa barag-barag na mukha na ngayon ni Rogelio.

Papunta na sa puntong mawawalan na ng malay si Rogelio habang ang guy ay abala sa paghahanda at pag umang ng kanyang kamao upang pakawalan sa mukha ni Rogelio ang kanyang final ultimate punch nang biglang dumating si Genoveva at pinukpok sya ng malaking bato sa ulo ng buong puso mula sa likuran.

Bagsak ang guy na nakabukas ang polo at may sandong puti sa loob,  nagkikikisay.

Saan hahantong ang kaguluhang ito? Tuluyan kayang may paglamayan? Kung meron sino sa dalawa? Mahadlangan pa kaya ng guy na nakabukas ng polo at may sandong puti sa loob ang pagiibigan nila Rogelio at Genoveva? Bakit tuwing magpapasukan isinasabay ang pagkukumpuni ng mga daan? Ano kayang misteryo ang bumabalot dito?

Abangan ang mga nagbabagang kasagutan sa nalalapit na pagtatapos at huling episode ng kauna-unahan at wala nang nais sumunod pang brutal drama serye rito sa internet ang, Tilamsik sa Gabing Maligamgam the final chapter.